مه‌ودا میدیا-

جێگری ئەنجوومەنی گەلانی دیموکرات لە به‌ڕێوبه‌رایه‌تی خۆسەری رایگەیاند، بە بۆنەی جەژنی رەمەزان و له‌سه‌ر داوای دانیشتوانی كوردستانى رۆژئاوا لێبووردنەکە دەرچووە.

یاسر سلێمان، جێگری ئەنجوومەنی گەلانی دیموکرات لە به‌ڕێوبه‌رایه‌تی خۆسەری رایگه‌یاند " لێبوردنه‌كه‌ تاوانەکانی تیرۆر و بازرگانیکردن بە ماددە هۆشبەرەکان و دەستدرێژی سێکسی و هەروەها ئەوانەی کە خۆیان حەشارداوە، یاسای لێبووردن نایانگرێته‌وه‌".

باسى له‌وه‌شكردووه‌ "لە تاوانە گەورەکاندا سزای هەتاهەتایی زیندانیكراوه‌كانی ده‌گۆڕێت بۆ 15 ساڵ زیندانی و نیوەی سزاکەش بە زیندانیکردنی کاتی دەگۆڕدرێت".

هه‌روه‌ها" یاسای لێبووردنەکە هه‌موو ئه‌و زیندانیكراوانه‌ ده‌گرێته‌وه‌، كه‌ به هەتاهەتایی و‌ کاتی سزادراون، و بەدەست نەخۆشی ده‌ناڵێنن و چاره‌سه‌ركردنیان نیه‌، ئه‌ویش دوای پێکهێنانی لیژنەیەکی پزیشکی لە ئەنجومەنی دادپەروەری کۆمەڵایەتی كوردستانی سووریا بۆ ئه‌وه‌ی دڵنیاببنه‌وه‌ له‌ نه‌خۆشییه‌كان".

ع،ه