مەودا میدیا- سەباح خضر 

لە پاڵاوتنەکانی ئەمەریکای لاتین بۆ گەیشتن بە مۆندیالی 2022ی قەتەر، هەردوو هەڵبژاردەی بەرازیل و کۆلۆمبیا رووبەڕووی یەکتربوونەوە.

لەو یارییەدا هەردوو هەڵبژاردە چەندین هەوڵیاندا بۆ تۆمارکردنی گۆڵ، بەڵام سەرئەنجام یارییەکە بەیەکسان بوون و بەبێ گۆڵ کۆتاییهات.

نیماری هێرشبەری بەرازیل بەرانبەر کۆلۆمبیا ژمارەیەکی پێوانەیی خراپی تۆمارکرد لە ئەسیست کردن بۆ هاوڕێکانی.

تۆڕی ئۆبتا بۆ ژمارەو داتاکان ئەوەی ئاشکراکردووە :نیمار بەرانبەر کۆلۆمبیا لە 15 هەوڵداندا بۆ ئەسیست کردن شکستی هێناوە کە ئەمەش ژمارەیەکی پێوانەییە بۆ ئەو یاریزانە.

هەڵبژاردەی بەرازیل لە ئێستا لە ریزبەندی یەکەمی ئەو پاڵەوانێتیە دێت بە کۆکردنەوەی 28 خاڵ، بەڵام هەڵبژاردەی کۆلۆمبیا خاوەنی 15خاڵەو لە پلەی پێنجەم دێت.