مەودا میدیا-

وەزارەتی نەوتی عیراق رایگەیاند، لە مانگی ئازاری رابردودا زیاتر لە 100 ملیۆن بەرمیل نەوت بە بەھای زیاتر لە 11 ملیار دۆلار فرۆشراوە و ئەمەش بەرزترین ئاستی داهاتییەتی لە ساڵی (1972)ەوە.

لە راگەیەندراوێکدا وەزارەتی نەوتی عیراق ئاماژەی بەوەکردووە "بەگوێرەی ئامارە سەرەتاییەکانی کۆمپانیای سۆمۆ لە مانگی ئازاری ئەمساڵدا بڕی 100 ملیۆن و 563 ھەزار و 999 بەرمیل نەوت فرۆشراوە و ھەناردەی دەرەوەکراوە".

ئەوەشی خستووەتەڕوو "داھاتی نەوتە فرۆشراوەکە بریتییە لە 11 ملیار و 700 هەزار دۆلاری ئەمەریکی".

وەزارەتی نەوتی عیراق ئاشکراشی دەکات "ئەو ژمارەیە بەرزترین ئاستی داهاتییەتی لەماوەی 50 ساڵی رابردوودا".

ر. ئ.