مه‌ودا میدیا-

کەشناسیی هه‌رێم، پێشبینییەکانی کەشوهەوای بۆ 48 كاتژمێرى داهاتوو بڵاوكرده‌وه‌ و رایده‌گه‌یه‌نێت "ئاسمان ساماڵ دەبێت و پلەكانی گەرماش نزم دەبنەوە، لە هەندێک ناوچەی باشووری هەرێم تۆزێکی سووک بوونی دەبێت".

بەڕێوەبەرایەتیی گشتیی کەشناسیی و بوومەلەرزەزانیی هەرێمى كوردستان رایگه‌یاندووه‌ "بۆ ئەمڕۆ ئاسمان ساماڵ دەبێت و لە هەندێک ناوچەی باشووری هەرێم تۆزێکی سووک بوونی دەبێت".

راشیگه‌یاندووه‌ "پلەکانی گەرما بەراورد بە تۆمارکراوەکانی دوێنێ هەینی، کەمێک نزم دەبنەوە و خێرایی باش مامناوەند دەبێت".

کەشناسیی، ئاماژه‌ى به‌وه‌شكردووه‌ "سبەی یەکشەممە، ئاسمان ساماڵ دەبێت لەگەڵ بوونی هەندێک پەڵەهەور، پلەکانی گەرما نزیک دەبنەوە لە تۆمارکراوەکانی ئەمڕۆ شەممە و خێرایی باش مامناوەند دەبێت".

بەرزترین پلەکانی گەرمای پێشبینیکراو بە پلەی سیلیزی:

هەولێر: 45

سلێمانی: 43

دهۆک: 43

هەڵەبجە: 45

کەرکوک: 46

گەرمیان: 47

زاخۆ: 43

سۆران: 42

حاجی ئۆمەران: 34

پ ح ع