مه‌ودا میدیا-

پۆلیسی كەركوك، رایده‌گه‌یه‌نێت "لەژێر چاودێریی راستەوخۆی فەرماندەی پۆلیسی پارێزگای كەركوك، مەفرەزەكانی بنكەی پۆلیسی ئازادی، تۆمەتبارێكی مەترسیداریان لە بۆسەیەكدا دەستگیر كرد، كە نۆ فەرمانی دەستگیركردنی هەبووە".

لە راگەیەنراوێكدا پۆلیسی كەركوك رایگه‌یاندووه‌ "بە پشتبەستن بە زانیاریی دروست لە كەیسەكانی پەیوەست بە وەرگرتنی پارە و كوشتن و مادەی هۆشبەر، توانرا تۆمەتبارێكی مەترسیدار دەستگیر بكرێت  كە نۆ فەرمانی دەستگیركردنی هەبووە".

راشیگه‌یاندووه‌ "تۆمەتبارەكە بۆ ماوەی هەفتەیەك چاودێری كراوە و دواتر لەلایەن هێزێكەوە دەستگیر كراوە".

له‌ راگه‌یه‌ندراوه‌كه‌دا ئه‌وه‌ش هاتووه‌ "دەست بەسەر چەندین جۆر چەكیشدا گیراوە".

پ ح ع