مەودا میدیا-
كاركردن لە رێگای جووتسایدی كەلار-دەربەندیخان بەردەوامی هەیە و بڕیاریشە تا كۆتایی ئەمساڵ كارەكانی رێگاكە تەواو بكرێت. 

عەدنان خەلیل، بەڕێوەبەری رێگاوبانی گەرمیان بە مەودا میدیای راگەیاند "ماوەی چەند مانگێكە بە بێ‌ هیچ گرفتێك كاركردن لە رێگەی جووتسایدی كەلار-دەربەندیخان بەردەوامە و تا ئێستاش 80%ی كارەكانی پرۆژەكە تەواو بووە". 

وتیشی"ئەگەر هیچ گرفتێكی لەناوكاو نەیەتە پێش و كاركردن بەم شێوەیە بەردەوام بێت ئەوا تا كۆتایی ئەمساڵ كاركردن لە رێگاكە بە تەواوی كۆتاییدێت و پرۆژەكە دەخرێتە خزمەتی شۆفێران و هاوڵاتییانەوە". 

ئاماژەی بۆ ئەوەشكرد "پێشتر بەهۆی گرفتی داراییەوە هەندێك كات كاركردن لە پرۆژەكە وەستاوە، بەڵام ئێستا ئەو گرفتە چارەسەركراوە و كارەكانی پرۆژەكەش زۆر بە خێرایی بەرەو پێشەوە دەچێت". 
ئ.پ