مەودا میدیا-
بەپێی بڕیارێكی نوێی پارێزگاری كەركوك خانووی زیادەڕەوی هاوڵاتییان ناڕوخێنرێن، بەڵكو لە جێی ئەو كەسانە دەستگیر دەكرێن كە دەست بەسەر زەویدا دەگرن و دواتر دەیفرۆشنەوە. 

رێبوار تەها، پارێزگاری كەركوك رایگەیاند "ئەو خانووە زیادەڕوییانەی كە پێشتر درووستكراون ئێستا ماڵی هاوڵاتییانن و ئەوانیش نایانەوێت ماڵی هیچ هااوڵاتییەكی كەركوك بڕوخێنن". 

وتیشی "دەیانەوێت رێگری بكەن لەوەی بۆ لەمەودوا چیتر هیچ كەسێك نەتوانێت خانووی زیادەڕەوی درووستبكات و بۆئەوەش رێوشوێنی پێویست دەگرنەبەر بەرامبەر ئەو كەسانەی دەست بەسەر دۆنمی زەویدا دەگرن و دواتر بەشبەشی دەكەن و دەیفرۆشنەوە بە هاوڵاتییان". 

ئاماژەی بۆ ئەوەشكرد "فەرماندەیی پۆلیسی كەركوك و لیژنە پەیوەندیدارەكانیان راسپاردووە بۆئەوەی رێوشوێنی یاسایی دژی دەڵاڵەكانی دزینی زەوی بگرنەبەر و هەر كارێك پێویست بێت بۆئەو مەبەستە بیكەن". 
ئ پ