مه‌ودا میدیا-

له‌ ئێستادا نه‌خۆشى كۆلێرا بڵاوبووه‌ته‌وه‌ و داوا ده‌كرێت هاوڵاتییان رێكاره‌كانى خۆپارێزى په‌یڕه‌و بكه‌ن و پێداویستییه‌كانى خواردن به‌ باشى بشۆردرێته‌وه‌، به‌ڵام پرسیار ئه‌وه‌یه‌ ئاخۆ ئةو ئاوه‌ى دابه‌شده‌كرێت به‌سه‌ر ماڵاندا شیاوه‌ و مه‌ترسی تووشبوونى به‌و نه‌خۆشییه‌ نییه‌؟، به‌ڕێوه‌به‌رایه‌تیی ئاوى سلێمانيش دڵنیایی ده‌داته‌ هاوڵاتییان.

له‌و باره‌یه‌وه‌، ئامانج جه‌لال، وته‌بێژى ئاوى سلێمانى بۆ مه‌ودا میدیا رایگه‌یاند "ئه‌و ئاوه‌ى كه‌ به‌رهه‌مى ده‌هێنن له‌ پێشدا له‌ تاقیگه‌ى به‌رێوه‌به‌رایه‌تیى ئاوى سلێمانى كارى پاك كردنه‌وه‌ى بۆ ده‌كرێت و پاش تێكردنى مادده‌ى كلۆر، له‌ لایه‌ن ته‌ندروستيى سلێمانیشه‌وه‌ پشكنینى بۆ ده‌كرێت".

وتیشى "له‌ دواى ئه‌و پشكنینه‌ ئینجا به‌سه‌ر ماڵاندا دابه‌شيده‌كه‌ن".

ئاماژه‌ى به‌وه‌شكرد "ئه‌وان رۆژانه‌ به‌ به‌رده‌وامى پشكنین ئه‌نجام ده‌ده‌ن و هاوڵاتییان دڵنیا ده‌كه‌نه‌وه‌ له‌ پاكى ئه‌و ئاوه‌ى به‌ سه‌ریاندا دابه‌شده‌كرێت و هیچ مه‌ترسییه‌كى نییه‌".

پ ح ع