مه‌ودا میدیا-

ئه‌مڕۆ یه‌كشه‌ممه‌، توركیا بۆردوومانى به‌روارى باڵاى كرد و به‌هۆیه‌وه‌ ئاگر له‌ پێنج گوند كه‌وتووه‌ته‌وه‌.

کامەران عوسمان، ئەندامى تیمى ڕێکخراوى سی پی تى ئەمه‌ریکى بڵاویكرده‌وه‌ " بەهۆی بەردەوامی شەڕ و بۆردومانی چڕی فڕۆکەی بێفڕۆکەوان و تۆپبارانەکانی تورکیا لە دەڤەری بەرواری باڵا، ئاگر گەیشتۆتە ناو گوندەکانی مێرگا قەسرێ، گرێ سۆر، ئەلکیشکێ، جمبلکێ و بێلیزانێ".

باسى له‌وه‌شكرد "ئاگرەکەی گوندی ئەلکیشکێ گەیشتۆتە ناو ماڵی گوندنشینان و باخ و بێستانی جوتیارەکان و گۆڕستانی گوندەکەشی گرتۆتەوە، بەهۆی بڵێسەی ئاگرەکە، شەقامی سەرەکی بۆ چوونە ژوورەوە یاخود هاتنە دەرەوە لە ناو گوندەکە داخراوە".

ئه‌وه‌شى خستوه‌ته‌ڕوو "ژمارەیەک لە گوندنشینان توانیویانە خۆیان دەرباز بکەن و لە گوندەکە بێنە دەرەوە، بەڵام لە ئێستادا 19 خێزانی ناو گوندەکە گیریان خواردووە و داوای بە هاناوەچوون دەکەن بۆ دەربازکردنیان".

ع