مەودا میدیا-
بۆ رێگەپێدان بە درووستكردنی خانوو، سەرۆكایەتی شارەوانی سلێمانی سنوری گوندەكان   دیاریدەكات و دواتریش دانیشتوانی گوندەكان بە پێی رێكارەكان دەتوانن خانوو درووست بكەن. 
 
لەیلا عومەر سەرۆكی شارەوانی سلێمانی رایگەیاند "ئاماژە بە نوسراوی وەزارەتی شارەوانی و گەشت و گوزار ژمارە (٧٠٦٩ لە ٢٠٢٢/٦/٢٣) بەم نزیكانە سەرۆكایەتی شارەوانی سلێمانی رێكارەكانی كردنەوەی رێگەپێدانی خانووكردن لە سنوری گوندەكان دەخاتە بواری جێبەجێكردنەوە". 

 وتیشی "بڕیارەكە تەنها درووستكردنی خانوو ناگرێتەوە، بەڵكو نۆژەنكردنەوە و رووخاندن و دروستكردنەوە یاخود زیادكردن و كەمكردنی ژوور و نهۆمیش دەگرێتەوە". 

ئامانج لە بڕیارەكە بۆ رێكخستنەوە و نەهێشتنی زیادەڕەوییە لە گوندەكانی سنوری شارەوانی سلێمانی.
ئ.پ