مه‌ودا میدیا-

وەزارەتی خوێندنی باڵای حكومه‌تى هەرێم، سه‌رجه‌م زانکۆ و دەمودەزگاكانى سەر بە وەزارەتەکەى ئاگادار ده‌كاته‌وه‌ كه‌ بۆیان نییە بۆ هیچ مەبەستێک داوای کارتی دەنگدان بکات لە مامۆستایان، فەرمانبەران و خوێندکاران.

وەزارەتی خوێندنی باڵا و توێژینەوەی زانستیی هەرێمی کوردستان له‌ نووسراوێكدا کە ئاڕاسته‌ى هه‌موو زانکۆ حکومییەکانی هەرێمی کوردستان كردووه‌، رایده‌گه‌یه‌نێت "لەپێناو پابەندبوون بە بنەما دەستووری، یاساییەکان و مافەکانی مرۆڤ، هیچ زانکۆ و دامودەزگای تری سەر بە وەزارەتەکە بۆ هیچ مەبەستێک رێگەپێدراو نییە داوای کارتی دەنگدان لە مامۆستا،  فەرمانبەر و خوێندکارانی زانکۆکان بکات".

راشیگه‌یاندووه‌"بەپێچەوانەوە هەر ناوەندێکی سەر بە وەزارەتی خوێندنی باڵا، داوای کارتی دەنگدان بکات رووبەڕووی سزای یاسایی دەبێتەوە".

پ ح ع