مەودا میدیا-
بەپێی راگەیەنراوی ماڵپەڕی شەفافیەت داهاتی ئەم هەفتەیەی پارێزگای سلێمانی و هەڵەبجە  بەرزبوەتەوە و گۆڕانكاری زۆری تێدا روویداوە.

بەپێی ئامارێك كە ئەمڕۆ هەینی، ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان بڵاویكردووەتەوە، داهاتی یەك هەفتەی سلێمانی لە رۆژی 24/8/2024 تا 30/8/2024، بڕی 14 ملیار و 911 ملیۆن و 389 هەزار دینار بووە.

هەر بەپێی ماڵپەڕەكە، 84%ی ئەو داهاتە بەشێوەی نەختینە و 2%ی بەشێوەی چەك و 14%ی داهاتەكەش بەشێوەی مەقاصە بووە. 

ماڵپەڕەكە ئاماژەی بۆ ئەوەكردووە، كۆی ئەو داهاتە، داهاتی گەنجینەكانی یەك، دووی سلێمانی، چەمچەماڵ، گەرمیان، راپەڕین و هەڵەبجە بووە. 
ئ پ