مەودا میدیا-
ئێوارەی ئەمڕۆ هەینی، گەنجێكی دانیشتووی ئیدارەی سەربەخۆی زاخۆ، بەهۆی مەلەكردنەوە لە ئاوی رووباری خابووردا خنكا و دواترش تەرمەكەی دەرهێنرایەوە.

بەڕێوەبەرایەتی بەرگریی شارستانی زاخۆ رایگەیاند "كاتژمێر 2:30ی ئێوارەی ئەمڕۆ تیمەكانی بەڕێوەبەر ایەتییەكەیان تەرمی گەنجێكیان لە رووباری خابوور لە زاخۆ دەرهێناوە كە بەهۆی مەلەكردنەوە لە ئاوەكەدا خنكابوو". 

ئاماژەی بۆ ئەوەشكردووە "گەنجەكە كوردە و ناوی (ی.ع.ع) بووە و تەمەنی 17 ساڵ بووە و دانیشتووی ئیدارەی سەربەخۆی زاخۆیە". 

ئەوەش لە كاتێكدایە كە بەپێی ئامارێكی بەڕێوەبەرایەتیی گشتیی بەرگریی شارستانی هەرێم،  لە سەرەتای ئەمساڵەوە تا ئێستا لە هەرێم بەهۆی چەندین رووداوی جیاوازی وەك خنكان، هەڵدێران و سووتانەوە 62 كەس گیانیان لەدەستداوە. 
ئ پ