مه‌ودا میدیا-
ئێوارەی ئەمڕۆ هەینی، لە رووباری كاولۆكانی لە سنووری قەزای سۆران، مێرمنداڵێكی خنكا و راستەوخۆ دوای چەند دەقیقەیەك تەرمەكەی دەرهێنرایەوە.
.
كاروان میراودەلی، بەڕێوەبەری بەرگریی شارستانیی سۆران رایگەیاند" مێرمنداڵەكە ناوی (راوێژ رەسووڵ حەمەدەمینە) و تەمەنی 15 ساڵ بووە، لەگەڵ چەند هاوڕێیەكی چووە بۆ مەلەوانی، بەڵام دواتر لە ئاوەكەدا خنكاوە".  
 
وتیشی"تیمەكانی بەرگریی شارستانیی سۆران راستەوخۆ چوونەتە شوێنی رووداوەكە و دوای چەند دەقیقەیەك تەرمەكەیان بدۆزرێتەوە دەریانهێناوە". 

ئەوەش لە كاتێكدا كە هەر ئەمڕۆ لە قەزای زاخۆ بەهۆی مەلەكردنەوە گەنجێكی تەمەن 17 ساڵ خنكا.  
ئ پ