مەودا میدیا-
دوای كۆبوونەوەكانی شەوی رابردووی نێوان ئەنجوومەنی وەزاریی ئابووری عیراق لەگەڵ بەرپرسانی هەرێمی كوردستان، بڕیارە ئەمڕۆ بڕیارێكی یەكلاكەرەوە لە بارەی كێشە داراییەكانەوە بدرێت. 

دوێنێ‌ دوای كۆتاییهاتنی كۆبوونەوەكان هەریەك لە وەزارەتی دارایی و ئابووری هەرێم و ئەنجوومەنی وەزاریی ئابووری عێراق لە دوو راگەیەنراوی جیادا ئەنجامی گفتوگۆكانیان بە ئەرێنی وەسف كرد.

لە راگەیەنراوەكەی وەزارەتی دارایی هەرێمدا ئاماژە بۆ ئەوەكرابوو، كە چاوەڕوان دەكرێت ئەنجامەكانی كۆبوونەوەی نێوان هەردوو ئەنجوومەنی وەزاریی ئابووری عیراق و هەرێم لە بەرژەوەندیی فەرمانبەران و مووچەخۆران و خانەنشیان و هەرێمی كوردستان بە گشتی بێت.

بۆیە چاوەڕێ‌ دەكرێت لە كۆبوونەوەی ئەمڕۆ دووشەمممە لە نێوان ئەو ددوو لایەنەدا بڕیارێكی یەكلاكەرەوە بدرێت لە بارەی چارەسەركردنی كێشە ئابووری و داراییەكانی نێوان هەردوولا. 
ئ پ