مه‌ودا میدیا-

رۆژی سێشەممە، دەست بە دابەشکردنی نەوتی سپی دەکرێت بەسەر هاوڵاتییانی شارۆچکەی بازیاندا، بۆ هه‌ر 200 لیترێك بڕی 104 هەزار دینار وەردەگیرێت.

قایمقامییەتی شارۆچکەی بازیان لەبارەی دابەشکردنی نەوتی سپی بەسەر هاوڵاتییاندا لە شارۆچکەی بازیانی سەر بە پارێزگای سلێمانی راگەیەندراوێکی بڵاوکردەوە.

لە راگەیەندراوەکەدا هاتووە، "رۆژی سێشەمە كە دەكاتە 24ی ئەیلولی  2024، نەوت دەگاتە شارۆچکەكەمان و سەرەتا لە شارەدێی ئەڵایی و گەڕەكی ئاشتی و گوندەكانی دەوروبەری هاڵەی مام قادر و داریكەلی، دەست بە دابەشكردنی دەكرێت و رۆژانی دواتر بەردەوام دەبێت".

قایمقامییەتی شارۆچکەی بازیان داواشی لە هاوڵاتییان کرد، بە هیچ شێوەیەك جێگۆڕكێ بە شوێنەكانیان نەكەن.

ئاماژەی بەوەشکرد "هەر بەرمیلێك نەوت، كە 200  لیترە بە نرخی 104 هەزار دینار دابەشدەكرێت و بۆ وەرگرتنی نەوتەكەش پێویستە هەر خێزانێك كۆبۆنی نەوتی هەبێت".