مەودا میدیا-

وەزارەتی کۆچ و کۆچبەرانی عیراق رایگەیاند "476 ئاوارە لە کەمپێکی هەرێمـی کوردستانەوە گەڕانەوە زێدی خۆیان لە پارێزگاکانی سەڵاحەدین و نەینەوا".

ئەمڕۆ 25ی ئەیلوول، وەزارەتی کۆچ و کۆچبەران، گەڕانەوەی کاروانێکی دیکەی ئاوارەکانی نیشتەجێی کةمپی بەحرکەی لە پارێزگای هەولێر راگەیاند، کە ژمارەیان 476 کەسە و گەڕاونەتەوە زێدی خۆیان لە پارێزگاکانی سەڵاحەدین و نەینەوا.

باسی لەوەشکردووە "سەرجەم ئاوارەکان هاوکاری دارایی و کەلوپەلی ناوماڵ و کەرەستەی فریاگوزارییان بەسەردا دابەشکراوە".

لە ئێستادا تەنها لە پارێزگاکانی هەولێر و دهۆک ژمارەیەک کەمپ ماون کە هێشتا ئاوارەیان تێدا نیشتەجێیە، بەڵام لە سنووری سلێمانی سەرجەم کەمپەکان داخراون.