مه‌ودامیدیا – سه‌باح خدر

له‌ چوارچێوه‌ی یارییه‌کانی هه‌فته‌ی 21 ی خولی ئینگلیزیدا یانه‌ی چڵسی له‌ ده‌ره‌وه‌ی یاریگای خۆی بوه‌ میوانی یانه‌ی برایتون.

چڵسی له‌و یارییه‌دا که‌وته‌ داوی یه‌کسان بوونه‌وه‌ و یارییه‌که‌ش به‌ ئه‌نجامی ( 1 – 1 ) گۆڵ بۆ هه‌ردوولا کۆتایهات.

تایمی یه‌که‌می یارییه‌که‌ به‌ پێشکه‌وتنی کوڕانی لامپارد کۆتایهات که‌ گۆڵه‌که‌ش ( ئه‌زپیلیکویتا ) له‌ خوله‌کی 10 دا تۆماریکرد.

له‌ تایمی دووه‌مدا یاریزانی ئێرانی ( عه‌لی ره‌زا ) توانی گۆڵیکی نایاب له‌ خوله‌کی 84 دا تۆماربکات و یانه‌ی چڵسی بێبه‌ش بکات له سێ خاڵی گرنگ.

یانه‌ی چڵسی به‌م یه‌کسان بوونه‌ کۆی خاڵه‌کانی گه‌یانده‌ 36 خاڵ و له‌ پله‌ی چواره‌می پریمه‌رلیگ دێت ، به‌ڵام یانه‌ی برایتون خاوه‌نی 24 خاڵه‌ و له‌ پله‌ی 13 هه‌مین دێت به‌ شێوه‌یه‌کی کاتی.