مه‌ودامیدیا – سه‌باح خدر 

له‌ چوارچێوه‌ی یارییه‌کانی هه‌فته‌ی 21 ی خولی ئینگلیزیدا و له‌سه‌ر یاریگای ئیمارات یانه‌ی ئارسناڵ میوانداری یانه‌ی مانچسته‌ریونایتدی کرد.

ئارسناڵ له‌و یارییه‌دا به‌ به‌هێزی ده‌رکه‌وت و توانی به‌ ئه‌نجامی ( 2 – 0 ) گۆڵ سه‌رکه‌وتن تۆماربکات و سێ خاڵی گرنگ به‌ده‌ست بهێنێت.

له‌ تایمی یه‌که‌می یارییه‌که‌دا یانه‌ی ئارسناڵ توانی ده‌ستی خۆی بوه‌شێنێت و هه‌ردوو گۆڵه‌که‌ تۆماربکات له‌ خوله‌که‌کانی 8 ، 42 له‌ رێگه‌ی یاریزانان نیکولاس و سوکراتیس.

له‌ تایمی دووه‌مدا هه‌رچه‌نده‌ شه‌یتانه‌ سوره‌کان چه‌ندین هه‌وڵیاندا بۆ تۆمارکردنی گۆڵ ، به‌ڵام سه‌رجه‌میان بێ سودبوون و یارییه‌که‌ش به‌و ئه‌نجامه‌ کۆتایهات.

یانه‌ی مانچسته‌ریونایتد سه‌ره‌ڕای شکست له‌م یارییه‌دا به‌ڵام کۆی خاڵه‌کانی وه‌کو خۆی مایه‌وه‌ که‌ 31 خاڵه‌و له‌ پله‌ی پێنجه‌م دێت.

یانه‌ی ئارسناڵیش به‌م سه‌رکه‌وتنه‌ کۆی خاڵه‌کانی گه‌یانده‌ 24 خاڵ و له‌پله‌ی 12 هه‌مین دێت.