مه‌ودا میدیا- سه‌باح خدر

رۆژنامه‌کانی به‌ریتانیا له‌ بڵاوکراوه‌کانی ئه‌مڕۆیاندا باس له‌وه‌ ده‌که‌ن که‌ یانه‌ی به‌رشه‌لۆنه‌ ده‌یه‌وێت یاریزانێکی مانچسته‌ر سیتی په‌لکێش بکات.

رۆژنامه‌ی زه‌سه‌ن ئه‌وه‌ی خستۆته‌ روو : به‌رپرسانی یانه‌ی به‌رشه‌لۆنه‌ ده‌یه‌وێت یاریزان ئیریک گارسیا بگوازێته‌وه‌ ریزه‌کانی و بۆ ئه‌و مه‌به‌سته‌ش په‌یوه‌ندی به‌ به‌ڕێوه‌به‌ری کاره‌کانی ئه‌و یاریزانه‌وه‌ کردوه‌.

به‌رشه‌لۆنه‌ ئاماده‌یه‌ بۆند له‌گه‌ڵ ئیریک گارسیا هه‌تا ساڵی 2022 واژۆ بکات و هه‌روه‌ها موچه‌ی هه‌فتانه‌شی له‌ 12 هه‌زار جونیه‌ی ئه‌سته‌رلینیه‌وه‌ بۆ بکات به‌ 40 هه‌زار جونیه‌.

له‌لایه‌کی تریشه‌وه‌ رۆژنامه‌ی میره‌ر باس له‌وه‌ ده‌کات که‌ ئه‌و یاریزانه‌ نایه‌وێت یانه‌ی مانچسته‌ر سیتی به‌جێبهێڵێت ، چونکه‌ دڵخۆشه‌ له‌گه‌ڵ ئه‌و یانه‌ ئینگلزیه‌دا.