مه‌ودا میدیا- سه‌باح خدر 

شه‌وی رابردوو یانه‌ی به‌رشه‌لۆنه‌ی ئیسپانی له‌ یاری گه‌ڕانه‌وه‌ی قۆناغی شازده‌ی چامپیونسلیگ میوانداری یانه‌ی ناپۆلی کرد.

له‌ یاری چووندا هه‌ردوو یانه‌ به‌ گۆڵێک یه‌کسان بوون، به‌ڵام له‌ یاری گه‌ڕانه‌وه‌دا به‌رشه‌لۆنه‌ توانی به‌ ئه‌نجامی ( 3 - 1 ) سه‌رکه‌وتن تۆماربکات.

له‌ دوای یارییه‌که‌ش کیکی سیتینی راهێنه‌ری یانه‌ی به‌رشه‌لۆنه‌ به‌م شێوه‌یه‌ باسی سه‌رکه‌وتنه‌که‌یانی کرد.

کیکی سیتین: یارییه‌کی باشمان کرد هه‌روه‌ها توانیمان سه‌ربکه‌وین بۆ قۆناغی هه‌شت.

کیکی سیتین: یانه‌ی ناپۆلی یه‌کێکه‌ له‌ یانه‌ به‌هێزه‌کانی ئیتالیا، بۆیه‌ زانیمان چۆن یاریی بکه‌ین له‌گه‌ڵیاندا به‌ تایبه‌تی له‌ گێمی یه‌که‌م.

کیکی سیتین: من پیرۆزبایی له‌ گاتۆسۆی راهێنه‌ری ناپۆلی ده‌که‌م، چونکه‌ پێکهاته‌یه‌کی به‌هێزی هه‌یه‌.

کیکی سیتین: رووبه‌ڕووبونه‌وه‌مان له‌ قۆنا‌غی هه‌شت له‌گه‌ڵ بایرن میونشن به‌هێز ده‌بێت، چونکه‌ ئه‌وان له‌م وه‌رزه‌دا ئاستێکی باشیان پیشانداوه‌.

کیکی سیتین: لێونێل میسی له‌ یارییه‌که‌دا لێدانێکی به‌هێزی به‌رکه‌وت، به‌ڵام کێشه‌ی بۆ دروست نه‌کرد.