مهودا میدیا-
لەگەڵ چڕبوونەوەی دانوستانەکان بە ئامانجی کۆتایی هێنان بە شەڕی نێوان ئەمهریکا و ئێران، دۆناڵد ترەمپى سەرۆکی ئەمهریکا بە داوای هەموارکردنەوەی نوێ لە رەشنووسی رێککەوتنەکەدا لایهنهكانى سەرسام کرد، ئەمەش رێگەی خۆشکرد بۆ خولی زیاتری دانوستان.
هەروەها ترەمپ دەیەوێت وێنەیەکی سەرکردەیەکی بەهێز بۆ دەنگدەرەکانی پرۆژە بکات کە مەرج دادەنێت و هیچ ئیمتیازێک نادات، بەمەش ئێران لە موزایەدە رەتدەکاتەوە.
سەرۆکی ئەمریکا نایەوێت رێککەوتنێک بکرێت کە دەرفەتێک بە نەیارەکانی بدات کە دواتر لە رووی سیاسییەوە هێرش بکەنە سەری، بەڵکو بەدوای رێککەوتنێکی زۆر توندتردا دەگەڕێت، بەتایبەتی سەبارەت بە پرسی یۆرانیۆمی پیتێنراو و میکانیزمەکانی گواستنەوە و مامەڵەکردنی، ههروهها دهیهوێت خۆى له سیناریۆكانى باراك ئۆباماى سهرۆكى پێشووترى ئهمهریكا بهدوربگرێت.
بەگوێرەی سایتى ئهکسیۆسى ئهمهریكى، ترەمپ پابەندە بە گەیشتن بە رێککەوتنێک و پێشبینی دەکات بەم نزیکانە رێککەوتنەکە یەکلایی بکرێتەوە، بەڵام هەوڵدەدات هەندێک بڕگەی پەیوەندیدار بە بەرنامە ئەتۆمییەکەی ئێرانەوە بەهێزتر بکات پێش ئەوەی رەزامەندی کۆتایی خۆی پێبدات.
سەرچاوەکان ئاماژە بەوە دەکەن کە هەموارکردنە داواکراوەکان بە پلەی یەکەم لەسەر میکانیزمی مامەڵەکردن لەگەڵ کۆگاکانی یۆرانیۆمی پیتێنراو لەلایەن ئێرانەوە، لەوانەش وردەکارییەکانی گواستنەوەی ماددە ئەتۆمییەکان و کاتی رێکارە پەیوەندیدارەکان.
ترەمپ هەروەها داوای پێداچوونەوەی بە هەندێک لە وشەکانی تایبەت بە کردنەوەی گەرووی هورمز کرد، هاوکات واشنتۆن و تاران بەردەوامن لە ئاڵوگۆڕی سەرنج لەسەر رەشنووسی کۆتایی.
ترەمپ ڕۆژی هەینی لە ژووری بارودۆخی کۆشکی سپی کۆبوونەوەیەکی ئەنجامدا و تاوتوێی رێککەوتنەکەی کرد. دوابەدوای ئەو کۆبوونەوەیە، بەرپرسێکی ئەمهریکی پشتڕاستی کردەوە کە سەرۆک کۆمار “تەنها رێککەوتنێک واژۆ دەکات کە خزمەت بە بەرژەوەندییەکانی ئەمهریکا بکات و دڵنیابێت لەوەی ئێران چەکی ئەتۆمی بەدەست نەهێنێت”.
لە ڕەشنووسی ئێستادا بەڵێنێکی ئێرانی بۆ بەدواداچوونی چەکی ئەتۆمی دیاری کراوە، لەگەڵ ماوەی 60 رۆژ بۆ دانوستان لەسەر وردەکارییەکانی بەرنامە ئەتۆمییەکەی ئێران و هەنگاوەکانی سووککردنی سزاکانی ئەمهریکا.
لە کاتێکدا واشنتۆن باس لە پێشکەوتنی بەرچاو دەکات، بەرپرسانی ئێران رەتیدەکەنەوە گەیشتن بە رێککەوتنی کۆتایی و بەردەوامن لە ناردنی پەیامی دژبەیەک سەبارەت بە گەرووی هورمز و بەرنامە ئەتۆمییەکە.
بۆیە پێدەچێت شەڕی ئێستا زیاتر شەڕی وردەکارییەکان بێت نەک شەڕی پرەنسیپەکان، لە نێوان ترەمپ کە چیتر خێراترین رێککەوتنی لەگەڵ ئێران ناخوازێت، بەڵکو رێککەوتنێکە کە تاران ناتوانێت پاشەکشەی لێبکات و نەیارانی ناوخۆی ناتوانن هێرش بکەنە سەری.
ع
