دوای دابەزینی نرخی نەوت بەهۆی لێدوانەكانی ترەمپەوە، ئەمڕۆ جارێكیتر نرخی نەوت بەهۆی رەتكردنەوەی قسەكانی ترەمپ لەلایەن ئێرانەوە، نرخی نەوت بەرزبووەوە.
دوێنێ دۆناڵد ترەمپ، سەرۆكی ئەمەریكا رایگەیاند”لەگەڵ ئێران گەیشتوونەتە رێكەوتن و هەموو شتێك كۆتاییهاتووە”، راستەوخۆ نرخی نەوت لە بازاڕەكانی جیهاندا دابەزی، بەڵام شەوی رابردوو محەمەد باقر قالیباف، سەرۆكی پەرلەمانی ئێران وتەكانی ترەمپی رەتكردەوە و رایگەیاند”وتەكانی ترەمپ سەرتاپای درۆیە و تەنها بۆ هەڵخەڵەتاندنی جیهان و هێوردكردنەوەی دۆخی بازاڕە داراییەكان كردوونی”، راستەوخۆ دوای ئەوەش جارێكیتر نرخی نەوت لە بازاڕەكانی جیهاندا بەرزبووەوە.
بەیانی ئەمڕۆ نرخی نەوتی برێنتی دەریای باكوور بەرزبووەوە بۆ 101 دۆلار و نرخی نەوتی سووكی تەكساسی ئەمریكاش بەرزبووەوە بۆ 89 دۆلار و 71 سەنت، ئەوەش دوای ئەوەی رۆژی دووشەممە بە رێژەی 10٪ نرخەكەی دابەزی.
ئ پ
