دوو ملیۆن کەس بە ئی-پسوولە پارەی کارەبایان پاکتاو کردووە

مەودا میدیا-

پڕۆژەی رووناکی بڵاویکردەوە کە زیاتر لە دوو ملیۆن مامەڵەی پارەدانی دیجیتاڵی لە رێگەی ئی-پسوولەوە تۆمارکراوە و بەکارهێنانی سیستمی پارەدانی ئەلیکترۆنی لە هەرێمی کوردستان زیادیکردووە.

پڕۆژەی رووناکی رایگەیاند “تەنها لە مانگی رابردوودا، زیاتر لە 400 هەزار هاوبەشی کارەبا لە رێگەی ئی-پسوولەوە سوودیان لە داشکاندنی 50%ی قەرزی کۆنی پێش پڕۆژەی رووناکی وەرگرتووە”.

ئاماژەی بۆ ئەوەشکرد “بە گشتیی لەسەر ئاستی هەرێمی کوردستان (دوو ملیۆن و 200 هەزار ) مامەڵە لە رێگەی ئەو سیستمە ئەلیکترۆنییەوە تۆمارکراون”.

ئەوەشی خستەڕوو “بەکارهێنانی سیستمی پارەدانی ئەلیکترۆنی لە هەرێمی کوردستان بەمشێوەیە بەسەر پارێزگاکاندا دابەش بووە”:

هەولێر: یەک ملیۆن و 189 هەزار مامەڵە، کە دەکاتە 53.6%ی کۆی مامەڵەکان

سلێمانی: 522 هەزار مامەڵە، کە دەکاتە 23.5%ی کۆی مامەڵەکان

دهۆک: 492 هەزار مامەڵە، کە دەکاتە 22.2%ی کۆی مامەڵەکان

هەڵەبجە: 17 هەزار مامەڵە، کە دەکاتە 0.8%ی کۆی مامەڵەکان

ب ح