مه‌ودا میدیا-
باره‌گاى بارزانى له باره‌ى دیدارى میرى كه ماوه‌ى دوو رۆژه له شارى هه‌ولێر به ئاماده‌بوونى چه‌ندین به‌رپرسى حزبى و حكومه‌ی له عیراق و هه‌رێم به‌ڕێوه‌ده‌چێت هاته ده‌نگ و ده‌ڵێت، په‌رته‌وازه‌یی دروستكردووه.
ڕاگەیێنراوێک لە بارەگای بارزانییەوە:
لەبارەی بەڕێوەچوونی دیداری میری 2026 لە شاری هەولێر، جێگەی داخە کە ئەم کۆڕبەندە ئەمساڵ نەیتوانیوە بە شایستەیی لە بانگهێشتکردنی میوانان و پەنێڵەکانیدا ڕەچاوی فرەلایەنیی سیاسی و بەشداریی لایەنە سیاسییەکانی بەشەکانی تری کوردستان بکات. لە دیدارێکی ئاوا گرنگدا، پێویست بوو نوێنەرایەتیی دۆزی گەلی کورد لە بەشەکانی تری کوردستان بە بەشداریی سەرجەم لایەنەکان ڕەنگ بداتەوە.
ئەم جۆرە مامەڵەکردنە نیگەرانیی خەڵکی تێکۆشەر و ڕەسەنی بەشەکانی تری کوردستانی لێکەوتووەتەوە و دەبێتە هۆی قووڵكردنی پەرتەوازەیی و دووبەرەکیی نێوان ڕۆڵەکانی گەلی کوردستان. هەموو لایەکیش ئاگادار دەکەینەوە کە (میری) هیچ پەیوەندییەکی بە ئێمەوە نییە.
غ
