مه‌ودا میدیا-
سوپاى پاسدارانى ئێران، هه‌ڕه‌شه‌ى بڕینى كێبڵى ئینته‌رنێت و زیره‌كى ده‌ستكرد ده‌كات و ده‌ڵێت،
بەرفراوانبوونی ململانێی ئەگەری نێوان ئێران و ئەمه‌ریکا بۆ ژێرخانی ئه‌لیكترۆنى ناوچەکە رەهەندی نوێ بۆ هاوکێشە ئەمنییەکانی کەنداوی فارس زیاد دەکات، ژێرخانێک کە ئەگەرچی بەڕواڵەت پەیوەندیی بە بواری سەربازییەوە نییە، بەڵام بەشێکی بەرچاوی ئابووری، بازرگانی، پەیوەندییەکان و چالاکییە تەکنەلۆژییەکانی وڵاتانی ناوچەکەیە.
ئێستا كێبڵه‌كانى ئینتەرنێتی ژێر دەریا، ناوەندەکانی داتا و ئاسانکارییەکانی پەیوەست بە AI بوونەتە بەشێک لە سەروەت و سامانی ستراتیژی وڵاتانی ناوچەکە، ئەو سەروەت و سامانانەی کە زیانەکانیان دەتوانێت دەرئەنجامەکانی لە دەرەوەی سنوورەکانی وڵاتێک بێت.
موحسین رەزایی، سەرۆکی ئەنجومەنی ئاسایشی نیشتمانیی ئێران رایگه‌یاند “له ئه‌گه‌رى سه‌رهه‌ڵدانه‌وه‌ى شه‌ڕ و ململانێكان له‌گه‌ڵ ئه‌مه‌ریكا، ئێمه كێبڵى ئینته‌رنێتى جیهان و زیره‌كى ده‌ستكرد كه ئێستا سه‌رمایه و ئابوورییه‌كى زۆر به‌هێزى وڵاتانه ده‌كه‌ینه ئامانج”.
هەڵکەوتەی جوگرافیای ناوچەکە لە یەکتربڕینەکانی ئاسیا و ئەوروپا و ناوەندە ئابوورییەکانی ترى جیهان وایکردووە کە رێگاکانی گواستنەوەی زانیارییەکان گرنگییەکی تایبەتیان هەبێت، لەم نێوەندەدا گەرووی هورمز لە حیساباتی ئەمنی و ئابووریدا بە هۆی پێگەی ستراتیژی لە گواستنەوەی دەریایی و نزیکیی لە ژێرخانی ناوچەکەدا گرنگە، بەڵام رێڕەوی وردی كێبڵه‌كانى و پلەی وابەستەیی هەر وڵاتێک پێیانەوە جیاوازە و نابێت هەموو تۆڕەکانی پەیوەندییەکانی ناوچەکە بە وابەستە بە یەک رێگا هەژمار بکرێن.
زیانگەیاندن بە كێبڵى ژێردەریایی مەرج نییە بە مانای کوژانەوەی تەواوەتی ئینتەرنێت بێت لە وڵاتێک یان لە سەرانسەری جیهاندا، تۆڕەکانی پەیوەندیی بە زۆری لە چەندین رێگا پێکدێن و ئەگەر توانای بەدیل هەبێت، دەتوانرێت بەشێک لە هاتوچۆکە بگوازرێتەوە بۆ رێگاکانی تر.
ع
