مهودا میدیا-
سکۆت جێنینگز، بەرپرسی پێشووی ئەمهریکا و شرۆڤەکاری سیاسیی لە زاری بەرپرسێکی ئیدارەی دۆناڵد ترەمپ، سەرۆک ئەمهریکاوە رایگەیاند، رێککەوتنی نێوان واشنتۆن و تاران تا رادەیەکی زۆر تەواو بووە و تیشک دەخاتە سەر کردنەوەی گەرووی هورمز و چارەسەرکردنی پرسی ئەتۆمی ئێران”.
بهپێى قسهى ئهو سهرچاوه “هێشتا رێککەوتنەکە لەگەڵ ئێران یەکلایی نەبووەتەوە لەسەدا 95 تەواو بووە، بەڵام هێشتا گفتوگۆ لەسەر بەشێک لە بابهتهكان هەیە، ئەمڕۆ دووشهممه، هیچ رێککەوتنێک واژۆ ناکرێت، لەوانەیە چەند رۆژێک بخایەنێت”.
باسى لهوهشكردووه “رێککەوتنەکە دوو قۆناغی لەخۆگرتووە، یەکەمیان کردنەوەی گەرووی هورمز و دابینکردنی پەرەسەندنێکە بۆ ئابووریی جیهانی، دووەمیشیان رێککەوتنی ئێرانە بۆ وازهێنان لە پرۆگرامی پیتێنراوی یۆرانیۆم”.
هەنگاوی دووەم تەسلیم کردنی کەرەستە ئەتۆمییەکانە، لەو کاتەدا دەتوانرێ یارمەتیی ئێران لە سزاکان بدرێت.
ئەو بەرپرسە ئاماژەی بەوەشکرد “ئەمهریکا لەخۆڕا پارە بە ئێران نادات و تاران پێشوەختە هیچ بڕە پارەیەک یان یارمەتی سزاکان وەرناگرێت”.
هەروەها رایگەیاندووە “رەنگە رێککەوتنەکە داڕمێت، بەڵام ئەگەر بگاتە ئەو رێکەوتنە، ئەو بەرپرسە پێشبینی دەکات بەرپرسانی زۆر باڵای ئیدارەی ئەمهریکا بەشداریی لە جۆرێک لە مەراسیمی واژۆکردندا بکەن”.
جەختی لەوە کردەوە کە ئێران دەبێت کۆگا ئەتۆمییەکەی خۆی رادەست بکات بۆ ئەوەی هەر شتێک وەربگرێت، جەختی لەوە کردەوە کە هەڵوێستی ئەمهریکا ئەوەیە کە ئەگەر ئێران پابەندبوونەکانی بەپێی رێککەوتنەکە جێبەجێ نەکات، ئەوا هیچ وەرناگرێت.
ههروهها، ئیدارەی ئەمهریکا ئامادەیە ئەگەر رێککەوتنێک خراپ بێت ئەنجامى نەدات، روونیشیکردەوە کە ئامانجی درێژخایەنی ئەمهریکا رێگریکردنە لە بەدەستهێنانی چەکی ئەتۆمی ئێران.
بهپێى قسهى ناویراو “ئامانج لێی گەیشتن بە رێککەوتنێکە کە تێچووی ئەمهریکییەکان کەمبکاتەوە و بازاڕەکانی وزەی جیهانیی هێوربکاتەوە و دڵنیابێت لەوەی ئێران ناتوانێت لە درێژخایەندا چەکی ئەتۆمی بەدەستبهێنێت، ئێمە هێشتا لەوێ نین. ئێران کاتێکی زۆر درێژی دەوێت بۆ وەڵامدانەوە، تەنانەت بۆ شتی بچووکیش، بەڵام ئێمە نزیکین، هەرچەندە رەنگە چەند رۆژێکی ترى پێبچێت”.
لاى خۆیهو بەرپرسێكى باڵای ئیدارەی ئێران باسی لەوەکردووه ” ئێران بە شێوەیەکی مەبدەئی بە چوارچێوەی رێککەوتنەکە رازی بووە و دوو خاڵیش بە چارەسەرنەکراوی ماونەتەوە”.
ڕوونیشیکردەوە “ئەگەر ئەوەی داوای دەکەین بەدەستی بهێنین، ئەوە رێککەوتنێکی مێژوویی دەبێت، ئەگەر ئێرانیش لە ئاست بەڵێنەکانیدا نەبێت، هیچی دەستناکەوێت”.
دهشڵێت “توانای ئێران بۆ پرۆژەکردنی هێز زۆر سنووردارترە لە چاو دوو مانگ لەمەوبەر، بنکەی بەرهەمهێنانی مووشەکی بالیستیکیان تا رادەیەکی زۆر لەناوچووە”.
ع
