مەودا میدیا-
دوای بڕیارەكەی داداگای فیدراڵیی عیراق و ناردنی مووچەی فەرمانبەران لە لایەن وەزارەتی دارایی عیراقەوە، تا ئێستا حكومەتی هەرێم داهاتە نەوتی و نانەوتییەكانی رادەستی حكومەتی عیراق نەكردووە و ئەمەش پێدەچێت جارێكی تر گرفت بۆ مووچە درووست بكاتەووە. 

دكتۆ فەرهاد عەلائەدین، راوێژكاری سەرۆك وەزیرانی عیراق رایگەیاند " ئێستا وەزارەتی دارایی عیراق لاریی نییە لە ناردنی مووچەی فەرمانبەرانی هەرێم بەو مەرجەی حكومەتی هەرێمیش مانگانە داهاتەكان رادەستی وەزارەتی دارایی عیراق بكات"

وتیشی" ئەو داهاتانەی كە عیراق داوای دەكات داهاتی نەوت و خاڵە سنورییەكانە، بەڵام تا ئێستا حكومەتی هەرێم ئەو داهاتانەی رادەستی بەغدا نەكردووە سەرەڕای ئەوەی كە عیراق مووچەی فەرمانبەرانی ناردووە" 

ئاماژەی بۆ ئەوەشكرد "ئەگەر حكومەتی هەرێم پابەند نەبێت بە ناردنی ئەو داهاتانە بۆ بەغدا ئەوا پێدەچێت وەزارەتی دارایی عیراقیش مووچە نەنێرێت و بەئاشكرا بڵێت، لە تواناماندا نییە بەبێ‌ رادەستكردنی ئەو داهاتانە مووچە بنێرین" 
ئ.پ