مه‌ودا میدیا-

دواى ئه‌وه‌ى ده‌نگۆى ئه‌وه‌ بڵاوبووه‌وه‌ له‌ نزیک فڕۆکەخانەی نێودەوڵەتیی هەولێر ده‌نگێكى به‌رز بیستراوه‌، سه‌رچاوه‌یه‌ك له‌ فرۆكه‌خانه‌كه‌ رایگه‌یاند "هیچ ده‌نگێك نه‌بیستراوه‌ و هه‌موو شت ئاساییه‌".

ئه‌مڕۆ یه‌كشه‌ممه‌ 27ى تشرینى یه‌كه‌مى 2024، ده‌نگۆى ئه‌وه‌ بڵاوبووه‌وه‌ كه‌ له‌ نزیک فڕۆکەخانەی نێودەوڵەتیی هەولێر ده‌نگێكى به‌رز بیستراوه‌، باس له‌وه‌شكرا كه‌ ده‌نگه‌كه‌ تاقیکردنەوە و راهێنان بووە له‌ لایه‌ن هێزەکانی هاوپەیمانییه‌وه‌.

له‌و باره‌یه‌وه‌، سه‌رچاوه‌یه‌ك له‌ فڕۆکەخانەی نێودەوڵەتیی هەولێر تایبه‌ت بۆ مه‌ودا میدیا ریگه‌یاند "هیچ شتێكى ئه‌وتۆ نه‌بووه‌ و هیچ ده‌نگێكیان نه‌بیستووه‌".

وتیشى "هه‌موو شت ئارامه‌ و ده‌وام به‌ ئاسایی به‌ڕێوه‌ده‌چێت".

پ ح ع