مەودا میدیا-
وتەبێژی وەزارەتی دەرەوەی ئێران ئاشکرایکرد بەهۆی هێرشەکانی ئەمەریکاوە بەرزبوونەوەی نرخ و ناسەقامگیریی وزە رووی لە بازاڕەکانی جیهان کردووە.
ئیسماعیل بەقایی، وتەبێژی وەزارەتی دەرەوەی ئێران رایگەیاند “گەرووی هورمز تاوەکو 28ی شوبات بەتەواوی کراوە بووە، بەڵام هێرشەکانی ئەمەریکا و ئیسرائیل هاتوچۆیان لە گەرووەکە پەکخست”.
ئاماژەی بۆ ئەوەشکرد “ئەمەریکا هەوڵدەدات تێچووی ئاڵۆزییەکانی ئێستا بەسەر جیهاندا ساغ بکاتەوە و ئێران بە بەرپرسیار لەو دۆخە پیشان بدات”.
ئەوەشی خستەڕوو “ئەمەریکا جەنگەکەی دەستپێکردووە، بەڵام چاوەڕێی ئەوەیە هەموو جیهان تێچووەکەی بدات، لە کاتێکدا ئێران وەک هۆکاری ئەم پشێوییە نیشان دەدات”.
ب ح
