مەودا میدیا-
بەهۆی نەبوونی پارە کارەکانی رێگای جووتسایدکردنی رێگای نێوان زەڕایەن بۆ دەربەندیخان راگیراوە و کە درێژیی رێگاکە 20 کیلۆمەترە و قائیمقامی دەربەندیخانیش ئاشکرایکرد کە هەوڵدەدەن پڕۆژەکە دەستپێبکاتەوە.
ئامانج محەمەد، قائیمقامی قەزای دەربەندیخان رایگەیاند “وەرزی دابارین و نەبوونی پارەی کاش دوو هۆکاری سەرەکی بوون بۆ راگرتنی کارەکانی پڕۆژەی جووتسایدی دەربەندیخان بۆ زەڕایەن”.
ئاماژەی بۆ ئەوەشکرد “جێگری سەرۆک وەزیران و نووسینگەکەی لە هەوڵی بەردەوامدان بۆ دابینکردنی پارەی کاش بۆ کۆمپانیای جێبەجێکار و و تەواوکردنی پڕۆژەکە و هیمەتی تەواوی بۆ دەکەن”.
ئەمە لە کاتێکدایە، پڕۆژەی جووتسایدکردنی رێگای نێوان دەربەندیخان-زەڕایەن ماوەی 10 ساڵە بەهۆی قەیرانی داراییەوە راگیراوە و ساڵی رابردوو کارکردن لە پڕۆژەکە دەستیپێکردەوە بەڵام لەئێستادا راگیراوە و تێچووی پڕۆژەکەش 110 ملیار دینارە و 14%ی کارەکانی تەواو بووە.
ب ح
