مەودا میدیا-
دوای بڕیارەکەی وەزارەتی پلاندانانی عیراق و هەوڵی چەند لایەنێکی سوننی عەرەبی بۆ دابڕانی ناحیەکانی قەرەتەپە و جەلەولا لە قەزای خانەقین، کاردانەوەی لایەنە سیاسییەکان و چالاکوانانی کورد و بەشێک لە عەرەبی سنووری دیالەی لێکەوتەوە و بڕیارەکە رەتدەکەنەوە.
جەواد فەیزوڵڵا، قائیمقامی قەزای خانەقین بە مەودا میدیای راگەیاند “بە قەزاکردنی هەردوو ناحیەی جەلەولا و قەرەتەپە نایاسایی و نادەستوورییە و بڕیارەکە قبوڵناکەن و رەتیدەکەنەوە”.
ئاماژەی بۆ ئەوەشکرد “عەدنان شەمەری، پارێزگاری دیالە و ئەوس مەهداوی و شێخ رەعد مەقاس، ئەندامانی ئەنجومەنی پارێزگا دووپاتیانکردووەتەوە کە بڕیاری بە قەزاکردنی جەلەولا و قەرەتەپە نایاساییە و رەتیدەکەنەوە”.
ب ح
