مەودا میدیا-
ئەندامێکی پەرلەمانی عیراق ئاشکرایکرد چوارچێوەی هەماهەنگی سەبارەت بە متمانەدان بەو وەزیرانەی کە تاوەکو ئێستا پۆستەکانیان لە کابینەکەی عەلی زەیدی وەرنەگرتووە، پەیوەندی بە لایەنەکانەوە دەکات.
ئیبتیسام هیلالی، ئەندامی پەرلەمانی عیراق لە دەوڵەتی یاسا رایگەیاند “لایەنەکانی ناو چوارچێوەی هەماهەنگی سوورن لەسەر ئەنجامدانی کۆبوونەوەیەکی نائاسایی پەرلەمان تاوەکو متمانە بەو وەزیرانە بدرێت کە تا ئێستا پۆستەکانیان وەرنەگرتووە”.
ئاماژەی بۆ ئەوەشکرد “چوارچێوەی هەماهەنگی لە دواین کۆبوونەودا بە ئامادەبوونی عەلی زەیدی، سەرۆک وەزیران، بەکۆدەنگی جەختیان لەسەر پێویستیی تەواوکردنی پرۆسەی دەنگدان لەسەر وەزارەتە بەتاڵەکان لە ماوەی داهاتوودا کردووەتەوە”.
ب ح
