مهودا میدیا-
یۆنان مووشەکی پاتریۆتی بۆ دورگەی کریت جێگیر کرد وەک رێکارێکی خۆپارێزی دوای راپۆرتەکان سەبارەت بە هەڕەشە ئەگەرییەکانی ئێران بۆ بە ئامانجگرتنی دامەزراوە سەربازییەکانی ئەمهریکا لە ئەوروپا لە ئەگەری پەرەسەندنی گرژییەکان لەگەڵ واشنتۆن.
میدیاکانی یۆنان بڵاویانکردەوە، جێگیرکردنەکە رۆژى یەکشەممە بووه لە دوورگەی کارپاتۆسەوە دەستیپێکردووە و سیستەمی بەرگریی ئاسمانی بە کەشتییەک بەرەو کریت بەڕێکەوتووە.
بڕیارە پاتریۆتهكان لە شاری کریت جێگیر بکرێن کە بنکەی سەربازیی سودا بەی تێدایە و دامەزراوەیەکی سەرەکی سەربازیی ئەمهریکا و ناتۆیە لە رۆژهەڵاتی دەریای ناوەڕاست.
ئەم دووبارە جێگیرکردنە دوای ئەوە دێت لە راپۆرتێکی رۆژنامەی فاینانشیاڵ تایمز بە پشت بەستن بە سەرچاوە ئێرانییەکان، کە تاران بیر لە فراوانکردنی وەڵامدانەوەی خۆی دەکاتەوە لە دەرەوەی رۆژهەڵاتی ناوەڕاست و بە ئامانجگرتنی دامەزراوە سەربازییەکانی ئەمهریکا لە ئەوروپا لە ئەگەری نوێبوونەوەی پەرەسەندنی سەربازیی ئەمهریکا.
بەگوێرەی ئەو راپۆرتە، هێزەکانی ئێران لە ئەگەری بەئامانجگرتنی دامەزراوەکانی ئەمهریکا لە بەڵکان و ناوچەی دەریای ناوەڕاستیش دەکۆڵنەوە.
رۆژنامەی یۆنانی “کاتیمەرینی” بڵاویکردەوە، وەزارەتی بەرگریی و ئەرکانی گشتیی خراونەتە ئامادەباشییەکی بەرزەوە، ئەمەش لەکاتێکدایە کە ئێران هێشتا مووشەکی بالیستیکی هەیە کە مەودای زیاتر لە دوو هەزار کیلۆمەتر، توانای گەیشتن بە ئامانجەکانی باشووری رۆژهەڵاتی ئەوروپاى هەیە.
ع
