مه‌ودا میدیا-
فەرماندەیی ناوەندی ئەمه‌ریکا کە سەرپەرشتی ئۆپەراسیۆنە سەربازییەکان دەکات لە ناوچەکەدا، لە پلاتفۆرمی X رایگەیاندووە “ئەمه‌ریکا و هاوبەشە ناوچەییەکانی بە روونی گەرووەکە کۆنترۆڵ دەکەن”.
فەرماندەیی ناوەندیی ئێران زیادی کرد “پێشتر چوارشەممە ژەنەراڵێکی سوپای پاسدارانی ئێران لە راپۆرتە میدیاییەکان بانگەشەی ئەوەی کردبوو کە گەرووی هورمز داخراوە و وڵاتەکەی بە تەواوی کۆنترۆڵی کردووە. ئەمە درۆیە”.
گەرووی هورمز لە دوای سەرهەڵدانی شەڕ لە کۆتایی مانگی شوباتەوە بووەتە خاڵێکی گەورەی هەڵگیرسانی نێوان ئەمه‌ریکا و ئێران.
ئێران تا رادەیەکی زۆر کەشتیوانیی لە رێگەی گەرووەکەوە پەک خستووە کە رێڕەوی ئاوی سەرەکی جیهانییە بۆ دابینکردنی نەوت و گاز، بە هەڕەشەکردن و هێرشکردنە سەر کەشتییەکان.
هەروەها سوپای ئەمه‌ریکا هێرشی کردووەتە سەر کەشتییە مەدەنییەکانی ئێران و گەمارۆی دەریایی بەسەر ئەو کەشتیانەی کە دەچنە ناو بەندەرەکانی ئێران یان دەردەچن، سەپاندووە.
پچڕانی یەکێک لە گرنگترین ڕێگاکانی بازرگانیی وزەی جیهان بووەتە هۆی بەرزبوونەوەی نرخی نەوت لە جیهاندا.
فەرماندەیی ناوەندی ئەمه‌ریکا رایگەیاندووە “لە ئێستادا گەشتکردن بە گەرووی هورمزدا بە شێوەیەکی ئاسایی بەردەوامە، کەلوپەلی بازرگانیی و دابینکردنی وزە هەڵدەگرێت، لەنێویاندا 20 ملیۆن بەرمیل نەوتی خاو”.
پێش جەنگ، شرۆڤەکاران مەزەندەیان کردووە کە رۆژانە نزیکەی ١٩ ملیۆن بەرمیل نەوت بەو گەرووەدا تێدەپەڕێت.
ع
