مه‌ودا میدیا-
بانکی ناوەندیی عیراق رایگه‌یاند، وەزارەتی گەنجینەی ئەمه‌ریکا کۆتوبەندەکانی سەر ژمارەیەک کۆمپانیای ئاڵوگۆڕی دراوی عیراقی هەڵگرتووە، کە بەهۆیەوە ئەو کۆمپانیایانە دەتوانن دووبارە بەشداریی لە پرۆسەی فرۆشتنی دۆلار بە گەشتیاران بکەن.
له راگه‌یه‌ندراوێكدا باس له‌وه‌كراوه “وەزارەتی گەنجینەی ئەمه‌ریکا کۆتوبەندەکانی لەسەر ژمارەیەک کۆمپانیای ئاڵوگۆڕی دراوی عیراقی لابردووە”.
باس له‌وه‌شكراوه، ئەم بڕیارە دوای ئەوە دێت کە دڵنیایی دراوە سەبارەت بە جێبەجێکردنی پێوەرەکانی پابەندبوون کە لەلایەن بانکی ناوەندیی عیراقەوە پەسەند کراون، کە ئەمەش رێگە بەو کۆمپانیایانە دەدات بگەڕێنەوە بۆ بەشداریکردن لە پرۆسەی فرۆشتنی دۆلار بە گەشتیاران”.
هه‌روه‌ها “ئەم هەنگاوە لە چوارچێوەی بەهێزکردنی پابەندبوون بە رێکارە چاودێرییەکان و رێکخستنی پرۆسەی فرۆشتنی دراوی بیانیدا دێت، کە بەپێی ئەو چوارچێوە پەسەندکراوانەیە کە دیاریکراون”.
ع
