مەودا میدیا-
لێپرسراوی بۆردی راگەیاندنی یەکێتیی نیشتمانیی کوردستان داوا لە میدیاکارانی یەکێتی دەکات پیشەییانە روماڵی رووداوە نەخوازراوەکەی هەولێر بکەن و بەگیانی بەرپرسیاریەتی مامەڵە بکەن.
لەتیف نێروەیی، لێپرسراوی بۆردی راگەیاندنی یەکێتیی نیشتمانیی کوردستان لەپەیامێکیدا رایگەیاند “دڵیان لای جەماوەری هەولێری خۆشەویستەو خوای گەورە بیانپارێزێت لەهەر ناخۆشی و کارەساتێک”.
ئاماژەی بۆ ئەوەشکرد “داوا لەسەرجەم سەرچاوە میدیاییەکانی یەکێتی دەکات بەگیانێکی پیشەییانەو بەرپرسیارانەو دوور لەهەر ململانێیەکی سیاسی و حزبایەتی رووماڵی رووداوەکانی ناو شارەکە بکەن”.
ئەوەشی خستەڕوو “داوا لە میدیاکارانی یەکێتی دەکات بەهیچ شێوەیەک لەسەر سۆز و عاتیفەی هاوڵاتییانی زیان پێگەیشتووی شارەکە پەیامی میدیایی بڵاونەکەنەوە”.
ب ح
