قاسم عەبودی: پۆلیسی وزە بۆرییە نەوتییەکان دەپارێزێت

مەودا میدیا-

راوێژکاری ئاسایشی نیشتمانیی عیراق سەبارەت بە دۆخی ناوچەی جەرف ئەلسەخر ئاشکرایکرد پێداچوونەوە بە رێکارەکانی لیژنەی جەرف ئەلسەخردا دەکرێتەوە و دۆسییەی ئەمنیی ناوچەکە بۆ وەزارەتی ناوخۆ دەگوازرێتەوە.

قاسم عەبودی، راوێژکاری ئاسایشی نیشتمانیی عیراق رایگەیاند “بە فەرمانی عەلی زەیدی، فەرماندەی گشتیی هێزە چەکدارەکان، لە ناوچەی جەرف ئەلسەخر جێگۆڕکێ بە هێزەکان دەکرێت و پۆلیسی وزە بۆڕییە نەوتییەکان دەپارێزێت”.

ئاماژەی بۆ ئەوەشکرد “ئەو سەرپێچییانەی لەسەر بۆڕییەکانی نەوت کراون رەوانەی دادگا دەکرێن، بڕیارەکان بۆ پاراستنی سامانی نیشتمان و سەپاندنی دەسەڵات و سەقامگیریی حکومەتە و لە بەرژەوەندیی هەموو عیراقییەکاندایە”.

ئەوەشی خستەڕوو ” ئەو پرسانەی پەیوەستن بە ئاسایش و سەقامگیریی عیراقەوە لە پێشینەی هەمووانن، لەو پێناوەشدا هەنگاوەکانی گواستنەوەی دۆسییەی ئەمنی بۆ وەزارەتی ناوخۆ و پاڵپشتیکردن و کۆنترۆڵکردنی چەک لە دەستی دەوڵەتدا جێبەجێ دەکرێن”.

ب ح

بابەتی تر

نوێترین هەواڵەکان