مهودا میدیا-
گەرووی هورمز هەرگیز تەنیا رێڕەوی ئاو نەبووە؛ هەمیشە خوێنبەرێکی ژیانی سیاسەت بووە و ئامرازێکی فشار و چەقۆیەکی موزایەدە بووە، بەڵام ئەوەی ئەمڕۆ روودەدات هەموو ئەوانە تێدەپەڕێنێت، ئێستا تاران ئەم گەرووە وەکوو موزایەدەیەک لە دانوستانەکانی تایبەت بە ناوەکی بەرنامە ئەتۆمییەکەیدا بەکاردەهێنێت، لە کاتێکدا کۆمەڵگەی نێودەوڵەتیی بە سەرلێشێواوی لەبەردەم دیمەنێکدا وەستاوە کە قەیرانی سەرکردایەتیی ئێران لەگەڵ ناڕوونییەکانی دەوروبەری کۆگاکردنی یۆرانیۆمەکەی و قومارکردنی دۆناڵد ترەمپى سهرۆكى ئهمهریكا، لەسەر دەستکەوتێکی مێژوویی تێکەڵ دەبێت.
لەم چوارچێوەی ئاڵۆزەدا، نووسەر و شرۆڤەکاری سیاسی محەمەد قەواس و شارەزای وزەی ئەتۆمی قاهیر ئەبو جەدایل، لە چاوپێکەوتنەکەیاندا لەگەڵ سکای نیوز عەرەبى، باس لهو دهۆخه دهكهن كه بههۆى گهرووهكهوه دروستبووه، هاوكات موزایهدهكانى ئێران و فشارهكانى ترهمپ له بارهى ئهتۆمى ئێران.
محەممەد قەواس شرۆڤەکاری سیاسی پێی وایە دوودڵی ئێران لە ناردنی شاندی دانوستانکاری خۆی بۆ خولەکانی بەرنامە بۆ داڕێژراو تەنیا دەتوانرێ بە “لەڕادەبەدەر دراماتیک” وەسف بکرێت کە هاوسنوورە لەگەڵ “رەفتاری منداڵانە”.
قەواس دهڵێت “دژایەتییەکی توندی نێوان راگەیاندنی کردنەوەی گەرووی هورمز لەلایەن عەباس عیراقچی وەزیری دەرەوە و داخستنی دەستبەجێی راگەیەندراوی سوپای پاسداران ههیه”.
بۆ ئەمەش قسەکانی محەمەد باقر قاڵیباف، سەرۆکی پەرلەمان و سوپا وهك دژایهتییهك لهناوخۆى ئێران باس دهكات، ئاماژە بەوە دەکات کە نەبوونی سەرکردایەتیی باڵا لە دوای تیرۆركردنى عهلى خامنهیی، رابهرى باڵاى شۆڕشى ئیسلامیی ئێران، بۆشایی دەسەڵاتی لە ناوەندی بڕیاردان دروستکردووە، بۆشایییەک کە سێبەری هەموو خولێکی دانوستانەکانی داپۆشیوە”.
سەرەڕای هەموو ئەمانە، قەواس جەخت لەوە دەکاتەوە کە شاندی ئێرانی لە کۆتاییدا ئامادە دەبێت، چونکە ئێران، “وەک هەمیشە، تا دوا سات، وەستانی خۆی دەپارێزێت”، پێویستی بەم گرژییە حیسابکراوەیە بە هۆکارگەلێک کە زیاتر پەیوەندییان بە بەرەی ناوخۆوە هەیە نەک بە تاکتیکی سیاسەتی دەرەوە.
وتیشى “ئێران دانوستان ناکات بۆ گەیشتن بە رێککەوتن، بەڵکو بۆ درێژکردنەوەی ئاگربەستەکە، تێدەگات کە ئەو زیانە سەربازییە بەرچاوەی بەرکەوتووە، دەکرێت پەرە بستێنێت بۆ شەڕێکی فراوانتر و وێرانکەرتر و بۆ ئێرانیش ئەمە پرسێکی وجودییە”.
قەواس گەرووی هورمز بە “ئەو سەرسوڕهێنەرە وەسف دەکات کە نەدەبوو سەرسوڕهێنەر بێت”.
ئێران هەر لە سەرەتای شەڕەوە رایگەیاندبوو کە گەرووەکە دادەخات، بەڵام واشنتۆن ئەم هەڕەشەیەی بە جددی وەرنەگرت، تا ئەو کاتەی گەرووەکە بوو بە مەسەلەی ناوەندی کە زاڵ بوو بەسەر گۆڕەپانەکەدا.
لە لایەنی تەکنیکییەوە، قاهر ئەبو ئەلجەدایل، شارەزای وزەی ئەتۆمی شیکارییەکی زانسیتی باس دەکات و ئاشکرای دەکات کە مشتومڕە سیاسییە بەردەوامەکان واقیعە تەکنیکییە حاشا هەڵنەگرەکان دەشارنەوە.
ئەبو ئەلجەدایل پێى وایه ئیدیعای ترەمپ کە باس له لێدانەکانی ئەو کۆگایەی ئێرانی لە یۆرانیۆمی زۆر پیتێنراو لە فۆردۆ و نەتەنز و ئیسفەهان لەناوبردووە و بە “تەنها لێدوانێکی سیاسیی دەزانێت نەک بەیانێکی راستی”.
ع
