مەودا میدیا-
سەرۆکایەتیی شارەوانی هەولێر بڵاویکردەوە سبەینێ قۆناغی حەوتەمی پڕۆسەی دابەشکردنی زەوی بەسەر فەرمانبەرانی سەنتەری شاری هەولێر دەستپێدەکات.
كارزان هادی، سەرۆكی شارەوانیی هەولێر رایگەیاند ” بە شەش قۆناغ 38 هەزار فەرمانبەر زەوییان وەرگرتووە و ئەوەش نیوەی ئەو فەرمانبەرانەیە کە مافی وەرگرتنی زەوییان هەیە”.
ئاماژەی بۆ ئەوەشکرد “بۆ قۆناغی حەوتەمی دابەشكردنی زەوی لەنێو شاری هەولێر، سێ هەزار و 500 پارچە زەوی تر ئامادە كراون و بە تیروپشك بەسەر فەرمانبەران دابەش دەكرێن.”
ئەوەشی خستەڕوو ” کۆی گشتیی ئەو فەرمانبەرانەی لە سنووری شارەوانی هەولێر بڕیارە زەوییان پێبدرێت، ژمارەیان دەگاتە 82 هەزار فەرمانبەر، پڕۆسەکەش بەردەوام دەبێت تاوەکو هەموو ئەو فەرمانبەرانە زەوییەکانیان وەردەگرن”.
ب ح
