مهودا میدیا-
ئەمەریکا چۆڵکردنی فڕۆکە سووتەمەنییەکانی لە فڕۆکەخانەی بن گوریون لە ئیسرائیل هەڵوەشاندەوە، ئەمەش نیشانەیەکی تره بۆ پلانەکانی بۆ دەستپێکردنەوەی شەڕی دژی ئێران،
بەپێی راپۆرتێکی کۆمپانیای پەخشی ئیسرائیل (کان) ئهمڕۆ سێشەممە، ئەمهریکا پلانەکانی بۆ چۆڵکردنی فڕۆکە سووتەمەنییەکانی لە فڕۆکەخانەی بن گوریۆن ههڵوهشاندووهتهوه.
بەپێی ئاماری دەسەڵاتی فڕۆکەخانەکانی ئیسرائیل، ئەمە بە مانای هەڕەشەی نوێبوونەوەیە لە هەڵوەشاندنەوەی نزیکەی 50 هەزار بلیتی فڕۆکە لەم مانگەدا ئەگەر چۆڵکردنی فڕۆکەخانەکان تەواو نەکرێت.
لە پێشهاتێکی پەیوەندیداردا، دەسەڵاتی فڕۆکەخانەکانی ئیسرائیل رۆژی سێشەممە فەرمانێکی کاتی دەرکرد و رێگریی لە نیشتنەوەی فڕۆکە سووتەمەنییەکانی سوپای ئەمهریکا لە فڕۆکەخانەی بن گوریۆن کرد، بەپێی خەمڵاندنەکان ئەم رێنماییە راستەوخۆ لە نووسینگەی وەزیری گواستنەوەی ئیسرائیل میری ڕیگێڤەوە دەرچووە.
ئاژانسەکە لە زاری دەسەڵاتی فڕۆکەخانەکانەوە هۆشداریی داوە کە بەردەوامی بوونی فڕۆکە ئەمهریکییەکان و تەواونەکردنی چۆڵکردنیان مەترسی لەسەر فڕۆکەوانی مەدەنی دروست دەکات، ئەمەش ئەگەری هەیە کۆمپانیاکان ناچار بکەن لەم مانگەدا دەیان هەزار حجزکردن هەڵبوەشێننەوە بەهۆی کێشەی توانای فڕۆکەخانەکانەوە.
لە بەرانبەردا دەسەڵاتەکە پشتڕاستی کردەوە کە سەرەڕای رێنماییەکانی وەزیری گواستنەوەی ئیسرائیل، بەڕاستی فڕۆکەیەکی سووتەمەنی سووتەمەنی ئەمهریکی لە فڕۆکەخانەی بن گوریۆن لە رۆژی سێشەممەدا نیشتووەتەوە.
ئەمهریکا هەفتەی رابردوو دەستیکرد بە سودوەرگرتن لە دامەزراوە ئیسرائیلییەکان بۆ پڕکردنەوەی سووتەمەنی فڕۆکەکانی، ئەمەش لەکاتێکدایە کە گرژییە سەربازییەکانی نێوان واشنتۆن و تاران نوێبووەتەوە.
ع
