مەودا میدیا-

هاتوچۆی هەولێر  هاوڵاتییان و شۆفێران ئاگاداردەکاتەوە کە لە رۆژی یەکشەممەی داهاتووەوە دەوامی بەشی مۆڵەتی فەرمانگەکەیان  تاوەکو کاتژمێر 4:00ی ئێوارە دەبێت.

لە راگەیەندراوێکدا بەڕێوەبەرایەتی هاتوچۆی هەولێر  رایگەیاند "سەرجەم شوفێران و هاوڵاتییان ئاگاداردەکەینەوە، لە رۆژی یەکشەممەی داهاتووەوە، کە دەکاتە 27ی ئەیلولی 2020، دەوامی بەشی مۆڵەتی هاتوچۆی هەولێر تاکو کاتژمێر 4:00ی سەر لە ئێوارە دەبێت، لە جیاتی کاتژمێر 6:00ی ئێوارە."

ئاماژە بەوەشکراوە "ئەم کەمکردنەوەی کاتی دەوامەش لەبەر گۆڕانی وەرز و کەمبوونەوەی ئەو لۆدەیە کە پێشتر لە بەشی مۆڵەتی هاتوچۆ هەبووە".

س.س