کوردستانی

بافڵ تاڵەبانی: ھەموو ھەوڵێکی یەکێتی روو لە سیاسەتی شەراکەتی راستەقینەیە

مەودا میدیا - سلێمانی |


بافڵ تاڵەبانی: ھەموو ھەوڵێکی یەکێتی روو لە سیاسەتی شەراکەتی راستەقینەیە
مەودا میدیا-

بافڵ تاڵەبانی، ھاوسەرۆکی یەکێتیی نیشتمانیی کوردستان لە مەکتەبیی سیاسی لە ھەولێر پێشوازیکرد لە جەیمس جێفری، نێردەی تایبەتی سەرۆکی ئەمریکا بۆ هاوپەیمانیی نێودەوڵەتی دژی داعش و نوێنەری تایبەتی ئەمەریکا بۆ کاروباری سوریا، لەدیدارێکەدا بەوردی دواین پێشھات و گۆڕانکارییە سیاسی و ئابوری و ئەمنییەکان خرایە بەرباس و بۆچوونیان لەبارەوە خرایەڕوو.

لە کۆبوونەوەکەدا بافڵ تاڵەبانی بەڕاشکاوی سیاسەت و ستراتیژی یەکێتی بۆ دۆخی سیاسی و ئەمنی ھەرێم و عیراق و سوریا و ناوچەکەی خستەڕوو، تەئکیدی لە سیاسەتی ھاوسەنگ و ھەماھەنگی و ھاریکاری ھاوبەشکردەوە لەپێناو سەقامگیری سیاسی لە ناوچەکە بەمەرجێک بەرژەوەندییە باڵاکانی گەلی کوردی تێداپارێزراو بێت.

لەبارەی پەیوەندییەکانی ھەولێر و بەغدا و کێشە کەڵەکەبووەکان، ھاوسەرۆکی یەکێتی دووپاتی لە خواستی یەکێتی کردەوە بۆ چارەسەرکردنی کێشەکان لەسەر بنەمای دەستوو و رایگەیاند "ھەموو ھەوڵێکی یەکێتی روو لە سیاسەتی شەراکەتی راستەقینە و ھاوبەشە کە بەرژەوەندییەکانی ھەردوولا تێیدا پارێزراوبن". 

سەبارەت بە مەترسییەکانی داعش و پاشماوەکانی تیرۆریستان بافڵ تاڵەبانی پێویستی بەردەوامی و ھەماھەنگی زیاتری ھەمەلایەنەی نێوان ھێزەکانی ھەرێمی کوردستان و ھاوپەیمانان کردەوە و داوایکرد ھاوکارییەکان زیاتر بکرێت بۆ ھێزی پێشمەرگە لەرووی پێداویستی سەربازی و مەشق و راھێنانەوە ئەم ھەنگاوەشی بەھۆکاری بەرقەرارکردنی ئارامی و ئاسایشی زیاتر وەسفکرد.

ھەر لە دیدارەکەدا ھاوسەرۆک تەئکیدی لەبەردەوامی پشتیوانییەکانی ئەمریکا و پەرەپێدانی پەیوەندییەکان لەھەموو ئاستەکان کردەوە، لەبەرانبەردا جەیمس جێفری سوپاس یەکێتیی نیشتمانیی کوردستانی کرد کە ھاوکار و پشتیوانێکی سەرەکی بووە لەشەڕی رووبەڕووبوونەوەی داعش و تەئکیدی کردەوە لەبەردەوامی پشتیوانییەکانی وڵاتەکەی بۆ ھێزی پێشمەرگە و ھێزەکان لە عیراق و سوریا بەو پێیەی شەڕی تیرۆر کۆتایی نەھاتووە.

س.س
Qaiwan
Qaiwan

زۆرترین خوێندنەوە

بیروڕا


News

رێنوسی تابلۆی ئۆتۆمبێلەكانی هاتوچۆی هەرێم هەڵەن

لەلایەن ئه‌رسه‌لان په‌رۆش


News

پارستنی ئاو وەکو ئەرکێکی بنەڕەتیی ژیان

لەلایەن د.مونیرە ئەبوبەکر


News

بۆ ناهێڵن عەرەبە ئاوارەکان بگەڕێنەوە؟

لەلایەن خەڵەف غەفور


News

نەرمین عوسمان؛ خەباتگێڕێکی کۆڵنەدەر

لەلایەن هیوا محەمەد