مەودا میدیا-

دادگەی باڵای فیدراڵی عیراق رۆژی یەکشەممەی داهاتووی بۆ بڕیاردان له‌سه‌ر سكاڵاكانی سه‌ر په‌سه‌ندكردنی هۆشیار زێباری وه‌ك كاندیدی پۆستی سه‌رۆك كۆمار دیاریكرد.

 دادگەی باڵای فیدراڵی عیراق راگەیەندراوێکی بڵاوکردەوە کە تێیدا هاتووە، دادگەی باڵای فیدراڵی رۆژی یه‌كشه‌ممه‌ی داهاتوو كه‌ ده‌كاته‌ 13ی شوباتی 2022 به‌مه‌به‌ستی گفتوگۆكردن له‌سه‌ر سكاڵای دژ به‌ قبوڵكردنی كاندیدكردنی هۆشیار زێباری بۆ پۆستی سه‌رۆك كۆمار دیاریكراوه كه‌ ژماره‌ی 17ی له‌ دادگە وه‌رگرتووه‌.

رۆژی شەشی شوباتی 2022 کە دەکاتە یەکشەممەی رابردوو، پاش سکاڵای چەند پەرلەمانتارێکی یەکێتیی نیشتیمانیی کوردستان لەسەر هۆشیار زیباری کاندیدی پارتی بۆ پۆستی سەرۆک کۆمار دادگەی فیدراڵی عیراق بڕیاریدا کارەکانی کاندیدکردنی ناوبراو بۆ پۆستی سەرۆک کۆمار رابگرێت.

ر. ئ.