مەودا میدیا-

بڕیارە ئەمڕۆ چوارشەممە ئەنجومەنی نوێنەرانی عیراق کۆبێتەوە بەپێی کارنامەی کۆبوونەوەکە بێت ئەمڕۆ سەرۆک کۆماری عیراق هەڵدەبژێردرێت.

سەرۆکایەتیی ئەنجومەنی نوێنەرانی عیراق رایگەیاند "ئەمڕۆ چوارشەممە 30ی ئاداری 2022 کاتژمێر 11:00ی پێشنیوەڕۆ ئەنجومەنی نوێنەرانی عیراق کۆدەبێتەوە بۆ دەنگدان لەسەر سەرۆک کۆماری نوێی عیراق".

بەهێزترین کاندیدەکان بۆ پۆستی سەرۆک کۆماری عیراق بەرهەم ساڵح، کاندیدی یەکێتیی نیشتمانی کوردستان و رێبەر ئەحمەد، کاندیدی پارتی دیموکراتی کوردستانە.
 
درەنگانی شەوی رابردووش رزگار حاجی حەمە، ئەندامی مەکتەبی سیاسیی یەکێتیی نیشتمانیی کوردستان لە لاپەڕەی تایبەتی خۆی نووسیبووی "30/3 یەکێتی بەیانی ئاهەنگە گەورەکەی دەکات"، بەپێی وتەی ئەم ئەندامی مەکتەب سیاسییەی یەکێتی بێت ئەمڕۆ یەکێتی پۆستی سەرۆک کۆماری عیراق دەبات.

س،ر