مەودا میدیا-

لە بڵاوکراوەیەکدا وتەبێژی فەرمی فەرماندەی گشتیی هێزە چەکدارەکانی عیراق رایگەیاند، وەزارەتی بەرگریی عیراق دەرماڵەی مەترسی بۆ سەرجەم یەکە و پێکهاتەکانی سوپا خەرجدەکات.

یەحیا رەسول، وتەبێژی فەرمی بەناوی فەرماندەی گشتیی هێزە چەکدارەکانی عیراق لە تۆڕی کۆمەڵایەتیی تویتەر لە تویتێکدا رایگەیاند "دوای هەوڵدانێکی زۆری جومعە عیاند، وەزیری بەرگریی عیراق توانرا بڕینەوەی دەرماڵەی مەترسی بۆ سەرجەم یەکە و پێکهاتەکانی سوپا ببڕدرێتەوە".

ئاشکراشیکردووە "بۆ ئەو مەبەستە لیژنەیەک بەسەرۆکایەتیی خەلەف رەحیمە، یاریدەدەری سوپاسالار بۆ ئۆپراسیۆنەکان پێکهێنرا بە ئامانجی تەواوکردنی رێوشوێنە پێویستەکان".

بە وتەی یەحیا رەسوڵ "دوای تەواوکردنی کارەکانی لیژنەکە، دەست بە دابەشکردنی دەرماڵەی مەترسی سوپا دەکرێت".

ر. ئ.