مەودا میدیا-

دره‌نگانی شه‌وی رابردوو له‌كاتی رۆیشتنیان بۆ رێوڕه‌سمێك له‌ناوچه‌ی راشدیه‌ی به‌غدا ده‌ستڕێژی گوللـه‌ لە سێ پەرلەمانتاری کوتلەی سەدر و هاوپەیمانی سیادە لە ئەنجومەنی نوێنەرانی عیراق کراوە.

سەرچاوەیەکی ئه‌منی ‌ لە به‌غدا ئاشکرایکرد "دره‌نگانی شه‌وی رابردوو له‌كاتی رۆیشتنیان بۆ رێوڕه‌سمێك له‌ ناوچه‌ی راشدیه‌ی به‌غدا لەلایەن ژمارەیەک چەکداری نەناسراوەوە ده‌ستڕێژی گوللـه‌ له‌ محه‌مه‌د فازڵ دلێمی، ئه‌ندامی هاوپه‌یمانی سیاده‌ و هه‌ریه‌ك له‌ عه‌لی سه‌عدی و حسام ساعدی، ئه‌ندام له‌ كوتله‌ی سه‌در لە ئەنجومەنی نوێنەرانی عیراق كراوه‌".

ئاماژە بەوەکراوە "هێرشه‌كه‌ له‌لایه‌ن پاسه‌وانانی ئه‌و سێ په‌رله‌مانتاره‌وه‌ به‌رپه‌رچدراوه‌ته‌وه‌ و هیچ زیانێكی گیانی نه‌بووه‌، ته‌نها زیان به‌ ئۆتۆمبێله‌كانیان گه‌یشتووە، هەروەها ئەو ئەندام پەرلەمانانە سکاڵای یاساییان تۆمارکردووە".

س،ر