مەودا میدیا-

مین (تی ئێن تی) بە دوو پاسەوانی سنوور لە دەڤەری برادۆست تەقییەوە و سەرەنجام یەكێكیان گیانیلەدەستدا.

سەرچاوەكانی هەواڵ ئەمڕۆ هەینی 2ی حوزەیرانی 2023 رایانگەیاند، دوو پۆلیسی پاسەوانی سنوور لە دەڤەری برادۆست مین پێیاندا تەقیوەتەوە و دوابەدوای رووداوەكە هەردوكیان رەوانەی قەزای سۆران كراون.

هاوكات سەرچاوەیەكی هەواڵ بۆ مەودا وتی "پاش ئەوەی ئەو دوو پاسەوانە بە برینداریی گەیەندراونەتە نەخۆشخانە، یەكێكیان گیانیلەدەستدا، كە خەڵكی سیدەكانە و خێزاندارە".

ئاماژەی بەوەشكرد، دووەم بریندار لە نەخۆشخانەی فریاكەوتنی سۆرانە و خەڵكی رەواندوزە كە بە هەمانشێوە خێزاندارە.

بەپێی زانیارییەكان رووداوەكە لە چیای قەلەڕەش لە برادۆست روویداوە و ناوچەكە خۆی مینڕێژكراوە لە سەردەمی رژێمی روخاوی بەعسەوە.

ژ.ع