مه‌ودا میدیا-

سه‌رۆكى پارتى نه‌ته‌وه‌په‌رستى توركیا "مه‌هه‌په‌" رایگه‌یاند، ئۆجه‌لان له‌باره‌ى پرۆسه‌ى ئاشتیی ئیشى خۆى كردووه‌، ده‌شڵێت، كه‌ركوك و موسڵ ده‌بنه‌ پارێزگایه‌ك له‌ توركیا.

ده‌وڵه‌ت باخچه‌لى، سه‌رۆكى مه‌هه‌په‌ رایگه‌یاند "میساقی میلی لە هەلومەرجی خۆیدا زیندوو دەبێتەوە و 81هه‌مین پارێزگای توركیا دوزجەیە، دواتر كەركوك ده‌بێته‌ 82هه‌مین پارێزگاو دواى ئه‌ویش موسڵ ده‌بێته‌ 83هەمین پارێزگای توركیا".

وتیشى "عه‌بدوڵڵا ئۆجه‌لان، هەموو ئەركەكانی خۆی بەجێ گەیاندووە و ئەوەی لەلایەن ئیمراڵییەوە راگەیەندراوە، كە داوای دەوڵەتێكی نەتەوەیی جیا، فیدراسیۆن، ئۆتۆنۆمی و تەنانەت داواكاریی كولتووریش لە ئارادا نییە".

ئه‌و قسانه‌ى باخچه‌لى له‌باره‌ى ئاشتیی له‌كاتێكدایه‌ تا ئێستا ده‌وڵه‌تى توركیا هه‌نگاوی كرده‌یی له‌باره‌ى پرۆسه‌ى ئاشتیی نه‌ناوه‌.

ع