مەودا میدیا-

وتەبێژی نەوت و کانزاکانی سلێمانی راگەیاند، داوامان لە وەزارەتی سامانەسروشتییەکان کردووە بۆ دابینکردنی نەوت بۆ شاری سلێمانی.

سەلام عومەر، وتەبێژی نەوت و کانزاکانی سلێمانی راگەیاند "لە سەرەتای مانگی 12-ەوە نووسراومان کردووە بۆ وەزارەتی سامانە سروشتییەکان بۆ دابەشکردنی نەوت لە سەنتەری شاری سلێمانی، بەڵام تاوەکو ئێستا وەڵامیان نەداوینەتەوە بۆیە تاوەکو ئێستا نازانین کەی نەوت دێت و دابەشدەکرێت".

وتیشی "تاوەکو ئێستا نەوتمان بۆ نەهاتووو هەرچەندە نووسراویشمان کردووە، هەرکات بڕی نەوت و نووسراوی دابەشکردنمان پێبگات، راستەوخۆ دابەشی دەکەین، بەڵام لەبەرئەوەی بڕەکەی کەمە و بەشی هەموو هاوڵاتییانی ناو شار ناکات 200 لیتر دابەشناکەین، بەڵکو  100 لیتر بە نرخی 30 هەزار دینار دەدەین بەهاوڵاتییان".

ع